Ыам ыйын 27 күнүгэр, үүнүү – сайдыы кыһата, чиҥ билии акылаата түмүллэр, аан дойдуну анаарар, өркөн өйү сайыннарар бүтүн Россиятааҕы бибилэтиэкэ күнэ бэлиэтэммитэ.

Ыам ыйын 27 күнүгэр, үүнүү – сайдыы кыһата, чиҥ билии акылаата түмүллэр, аан дойдуну анаарар, өркөн өйү сайыннарар бүтүн Россиятааҕы бибилэтиэкэ күнэ бэлиэтэммитэ.

⠀
⠀⠀Бу үөрүүлээх күҥҥэ түбэһиннэрэн, улуустааҕы киин ааҕар балаҕаҥҥа  Эдэр ыччат үүнэр-сайдар, үөрэнэр, алтыһар саалатын арыйар үөрүүлээх тээрээһинэ буолан ааста.
⠀
Бу саала сыала – соруга:
⠀
– ыччат сынньалаҥын туһалаахтык атаарарыгар, ааҕарыгар, куйаар ситиминэн туһанарыгар, Аан дойду библиотекаларын, музейдарын онлайн көрөрүгэр сөптөөх миэстэни тэрийии.
⠀
– Аныгылыы эйгэҕэ духуобунай, культурнай нэһилиэстибэни интириэһиргэтии.
⠀
– Ыччат өй-санаа, духуобунай сайдыытын үрдэтии.
⠀
– Библиотека үлэтин саҥа күөҥҥэ таһаарыы, онон сиэттэрэн эдэр ыччат сылдьыытын элбэтии.
⠀
-Библиотека имиджын өрө кетөҕүү.

⠀
⠀⠀Маны сэргэ,  үөрүүлээх тэрээһиҥҥэ Үөһээ Бүлүүтээҕи библиотечнай ситим фондатын хаҥатар уонна корпоративнай каталогизация  отделын комплектаторыгар Люлия Юрьевна Дяриковаҕа Саха Өрөспүүбүлүкэтин култууратын туйгуна үрдүк ааты туттарбыттара өссө ордук долгутуулаах буолла.

⠀
⠀⠀Ыччат анал саалатыгар аан маҥнай ыытыллыбыт Харыйалаах Уолун – Васильев Николай Васильевиһы кытта иһирэх көрсүһүү олус истиҥник ыытылынна.

⠀
⠀⠀Саҥа арыллыбыт ыччат саалата аныгы ирдэбилгэ эппиэттиир гына ыччаттарга куйаар ситимигэр холбонорго кыаҕы биэрэрэ,  хараҕы үөрдэр, аныгылыы тупсаҕай көстүүлээх гынан оҥоһуллубут тас көстүүтэ, сынньалаҥ сирэ,  эдэр ааҕааччыга туһуламмыт кинигэлэр биир сиргэ түмүллүүлэрэ – барыта  ыччаты сырдыкка, кэрэҕэ, билиигэ-көрүүгэ  эрэ угуйар курдук оҥоһуллубут.

⠀
⠀⠀Онон, бу саҥа арыллыбыт ыччат саалата улуустааҕы киин библиотека айар тутар үлэһиттэрин үгүс сонун саҕалааһыннарыттан эмиэ биир бастыҥ, ааҕааччыны угуйар бырайыактара буолуо диэн эрэнэбит. Улууспут бары бибилэтиэкэрдэрин идэлээх бырааһынньыктарынан итиитик-истиҥник эҕэрдэлиибит! Тус олоххутугар дьолу-соргуну, доруобуйаны, үлэҕитигэр үрдүк ситиһиилэри баҕаран туран, Улуус ыччатын киин ааҕар балаҕаҥҥа ыҥырабыт!

Кыһа: https://mr-verhneviljujskij.sakha.gov.ru/