Өлөөн улууһа 33 холодильнигы Бэс-Күөл олохтоохторугар туттарда

Алтынньы 14 күнүгэр Өлөөн улууһа 33 холодильнигы Бэс-Күөл олохтоохторугар туттарбыта. 

Өлөөн улууһун баһылыга Лена Степановна Иванова баһаартан эмсэҕэлээбит ыалларга улуус аатыттан көмө оҥорорун туһунан балаҕан ыйын 28 күнүгэр бастакы дьиэ күлүүһүн туттарыыга Бэс-Күөлгэ кэлэ сылдьан биллэрбитэ.

Бүгүҥҥү күҥҥэ номнуо 33 сабыс саҥа, двухкамернай холодильниктар Бэс-Күөлгэ тиийэн, ыалларга тиксэриллэн тураллар 

Саамай наадалаах тиэхиникэ баһаартан эмсэҕэлээбиттэргэ ыраах Хоту Өлөөн улууһуттан кэлбитэ биһиги өрөспүүбүлүкэбит биир сомоҕолооҕун, бэйэ бэйэбитигэр ыарахан кэмҥэ көмөлөөхпүтүн көрдөрөр.
Бар дьоммутугар Өлөөннөргө көмөҕүт – өйөбүлгүт иһин улуус аатыттан махталбытын тириэрдэбит! Чэгиэн, доруобай сылдьыҥ! 

Сигэ: https://mr-olenekskij.sakha.gov.ru/