Yakutians.com

Новости Якутии

ВАКЦИНАЛАММЫТ ДЬОН ТО5О ЫАЛДЬАРЫЙ?

Специалистар дьаҥы утары вакцинация хайдах иммунитеты үрдэтэрин ситэ быһаарбаттар.

Гаврил УГАРОВ: “Гипобиология – наука саҥа салаатын айбытым” | Aartyk.ru -  Хроника, События и Факты

Ханнык баҕарар ыарыыга критическэй доза диэн баар. Холобур, киһи коронавируска критическэй дозата 5 вирус буоллун. Ол аата 1-5 диэри вирус киирдэҕинэ иммунитета ол вирустары өлөрөр, онон ыалдьыбат. Оттон 6-тан ордук вируһу кыайбат, киһи ыалдьан барар.
Вакцина критическэй дозаны үрдэтэр, онто муҥура суох буолбат, 2 иҥин эрэ төгүл үрдэтиэн сөп. Холобур, вакциналаппыт киһи критическай дозата
5 (киһи бэйэтин к. дозата) + 10 (вакцина эппит к. дозата) = 15 (вакциналаммыт киһи уопсай критическэй дозата).
Онон вакциналаммыт киһи критическэй дозата 3 төгүл үрдээн 15 вирус киирдэҕинэ даҕаны ыалдьыбат.
Оччоҕо вакциналаммыт, итиччэ көмүскэллээх киһи тоҕо ыалдьарый?
Вакциналаммыт дьон сороҕо биһиги вакциналаммыппыт онон ыалдьыбаппыт – диэн ыһыктынан кэбиһэр – мааска кэппэт, бэйдиэ сылдьар, ол сылдьан критическэй дозатын ааһар вируһу хабыан сөп. Холобур, 15 тиийэ вируһу иммунитета өлөрөр, оттон кини 16-17 вируһу хабар, ону иммунитета кыайбат. Ол гынан баран 17 хаппыт вируһа – 15 к.доза иммунитета = 2 вирус.
Дьэ ити тыыннаах хаалбыт 2 вирус ыарытыннарар. Ону организм түргэнник кыайар, ол иһин вакциналаммыт киһи чэпчэкитик ыалдьар.
Оттон вакциналамматах киһи 17 хаппыт вируһа – 5 кр. доза бэйэтин иммунитета = 12 вирус тыыннаах хаалар. Дьэ итиччэ элбэх вирус вакциналамматах киһини күүскэ ыарытыннарар.
Онон ити холобуртан вакцина туһата ырылхайдык көстөр.

Онон вакциналаммыт дьон вируска критическэй дозалара арыый үрдээбитин да иһин, эмиэ сэрэхтээхтик сылдьыахтаахтар, мааска кэтиэхтээхтэр, дьон хойуутук сылдьар сиригэр өр сылдьыа суохтаахтар, илиилэрин суунуохтаахтар, мааскаларын уларытыахтаахтар. Оччоҕо вакциналаммыт дьон ыалдьара лаппа аҕыйыа этэ.
Вакцина ылбатах дьон хайаан да вакцината ыла охсуҥ.

Бары бэйэҕитин харыстаныҥ, дьоҥҥутун-сэргэҕитин харыстааҥ.

Гавриил Угаров – биология билимин доктора

Поделиться
%d такие блоггеры, как: