Yakutians.com

Новости Якутии

Урут Тбилиси турнира, билигин Ярыгин…

Саастаах дьон өйдүүр буолуохтаахтар, сэбиэскэй саҕанааҕы Тбилиситээҕи норуоттар икки ардыларынааҕы турниры. Бу “аан дойду аччыгый чемпионата” диэн ааттанар күрэххэ Орто дойду күүстээх бөҕөстөрө бары мусталлара.

Бу абытайдаах хатарыллыыны Сэбиэскэй сойуус эрэ буолбакка, бары дойдулар ааттаахтара ааспыттара, ол иһигэр биһиги албан ааттаах тустууктарбыт. Ол курдук, Тбилиситээҕи турнирга биһиги аатырбыт олимпиецтарбыт:

Дмитриев Роман – 1969, 1970, 1976, 1979;
Иванов Александр – 1971, 1973, 1977, 1978;
Пинигин Павел – 1975 сыллардаахха кыайбыттара.

Билигин Тбилиситээҕи норуоттар икки ардыларынааҕы турниры солбуйбут күрэҕинэн Гран-при “Иван Ярыгин”, судургутук эттэххэ, “Ярыгин турнира” буолар. Быйылгы турнир тохсунньу 27- күннэригэр Красноярскай куоракка ыытыллыаҕа. Саха уолаттара ох курдук оҥосто, кустук курдук куоһана сылдьалларын истэбит. Кинилэргэ соргулаах тустууну баҕарабыт.

“Хайдах этэй?” диэбиттии 1971 сыллаахха 20 саастаах Александр Иванов Тбилисигэ тустарын көрүҥ. Урут бу документальнай киинэни оройуоннааҕы спортсовет үлэһиттэрэ оскуолаларынан тиэйэ сылдьан көрдөрөр буолар этилэр. Тустууну пропагандалааһын буоллаҕа…

Көрүҥ эрэ, Тбилиси көбүөрүн хаһаайына грузин Шекриладзе дуу, саха уола дуу? Эс, толлор-торуттар диэн баара дуо?

Автор: The Ledzin

Источник: https://www.youtube.com/watch?v=-hrPqsNF3-c

Международный турнир, Тбилиси, 1971. 52 кг Wrestling Free Style. Alexander Ivanov vs Zaur Shekriladze. Tbilisi 1971 52 кг.

Поделиться
%d такие блоггеры, как: