Yakutians.com

Новости Якутии

Уйбаан Пономарев сөпкө этэр эрээри, сыал-сорук атыннык турар

Уйбаан Пономарев от ыйын 8 күнүгэр “Туймаада” хаһыакка таһаартарбыт “Ил Дархан этиилэригэр санааларым” ыстатыйатын сэргээн аахтым. Бары билэргит курдук, кини тыа хаһаайыстыбатыгар уһуннук үлэлээбит уопуттаах, дойдутун уонна дьонун-сэргэтин туһугар сүрэхтиин-быардыын ыалдьар киһи. Ол эрэн, күн-дьыл ирдэбилэ диэн баар.

В 2016 году на поддержку агропромышленного комплекса Якутии направят более  10 миллиардов рублей | Портал малого и среднего предпринимательства РС(Я)

Кини суруйуутун кытта “сүүс бырыһыан” сөбүлэһиэххэ сөп. Арай, боппуруос тугу ситиһэ сатыырбытыгар сытар. Ханнык сыал-сорук турарыгар.

Уйбаан Пономарев ыйытар: “Онтон оччо дьон дохуоттара үрдүөн баҕарар буоллахтарына, этэргэ дылы, туох да үөнэ-көйүүрэ суох, онон-манан уустугурдубакка, ити үүккэ көрүллүбүт 4,1 млд. үпкэ барыларыттан үүтү 60 солк. тутар тоҕо табыллыбат этэй? Чааһынай үүтэ уопсайтан туох уратылааҕый? Син биир буолбатах дуо?

Хомойуох иһин, син биир буолбатах. Бүтүн Таможня сойууһун үрдүнэн ирдэнэр “техническэй регламент” диэн баар. Үүтү ыаһыҥҥа, сүөһүнү тутарга, сүөһү туругун, доруобуйатын көрөргө, үүтү ыаһыҥҥа, ыаммыт үүтү харайыыга, тиэйиигэ, астааһыҥҥа уо.д.а. ирдэбиллэр.

Бу мэһэйи-таһайы соруйан була сатааһын буолбатах, бу аан дойду үрдүнэн турар ирдэбиллэргэ сөп түбэһиннэрии буолар.

“Техническэй регламеннары” өҥөйөн көрдөххө, чааһынайдааҕар буолуох сүүнэ тэрилтэ да барытын толороро ыарахан курдук. Холобур, ыанар ынах быыстала суох бэтэринээр сулууспатын хараҕын далыгар сылдьахтаах. Быыстала суох! Сүөһүнү илиинэн ыаһын туһунан этэ да барыллыбат – үүккэ киһи илиитэ сыстыа суохтаах, үүт дьэҥкир турба устунан сылдьыахтаах, ыаммыт үүт икки чаас иһигэр 40 С дылы тымнытылла охсуохтаах… Бу эрэ буолуо дуо, туох да хара баһаам ирдэбиллэр.

Бу ирдэбиллэри чааһынай ыаллар, бытархай хаһаайыстыбалар күн бүгүн хайдах да толорор кыахтара суох. Биһиэхэ эрэ буолуо дуо, аан дойду үрдүнэн аһы-үөлү барытын кэриэтэ сүүнэ улахан корпорациялар, холдиннар, бөдөҥ хампаанньалар оҥороллор.

Аан дойду үрдүнэн бу айылаах ыарыы-сүтүү үрдээн турдаҕына, ирдэбиллэр өссө кытаатан иһиэхтэригэр саарбахтааһын суох.

Молокопровод «Поток» типа УДМ

Иккиһинэн, тыа хаһаайыстыбата экэниэмикэ салаата буолар аналын олоххо киллэрээһин. Оттон экэниэмикэ салаата эбит буоллаҕына, болҕомто табаарынай оҥорон таһаарыыга ууруллуохтаах. Үөһэ этиллибитин курдук, чааһынайдар “техническэй регламент” ирдэбиллэрин толорор кыахтара суоҕун быһыытынан, табаары оҥорууга кыайан киирсибэттэр. Саха сирин тыатын хаһаайыстыбата, хайа муҥун, “собес” буолан бүтэрэ, экэниэмикэ салаата буолара уолдьаста.

Көрөргүт курдук, маҕаһыыннарбытыгар кэлии эт, кэлии үүт, кэлии ас-үөл муҥутуура. Онуоха Саха сирин аһа-үөлэ төһө бырыһыаны ыларын билбэтим эрээри, туох да саарбаҕа суох кыра диэн көрөбүн. Ол эбэтэр, күн бүгүн Саха сирэ бэйэтин бэйэтэ хааччынар туруга суох. Онон билигин олохтоох аһы-үөлү, эти-үүтү дэлэтиигэ бөдөҥ хаһаайыстыбалар үлэлииллэрин ситиһэ сатыахтаахпыт. Табаарынай производствоны атаҕар туруоран.

Үсүһүнэн, тыа хаһаайыстыбата икки хайысханан барыахтаах. Син биир бэйэбит сүөһүбүтүгэр кубулуйбут “симментал” уонна “холмогор” булкаастаах барахсаттарбыт бөдөҥ хаһаайыстыбаларга табаарынай бородууксуйаны биэриэхтээхтэр. Кэпэрэтииптэһии, аахсыйалаах уопсастыбалары тэрийии суолунан.

В Якутии восстанавливают популяцию аборигенной коровы

Ону кытта бытархай, нууччалыы эттэххэ, “хутор” хаһаайыстыбалара баар буолуохтаах. Дьэ, бу “хутордарга” саха төрүт сүөһүтүн саҕа табыгастаах сүөһү суоҕа буолуо. Массыынанан ыаһыҥҥа барбат кыра синньилээх, дьаһамыр уҥуохтаах-арҕастаах саха дьахтара илиитинэн ыырыгар анаммыт курдук. Аһылыга судургутунан, борунан, бытархай хаһаайыстыбаларга  сөрү сөп. Үүтэ хойуута, этэ минньигэһэ… Саха сирин үрдүнэн төһөлөөх сир быраҕыллан сытарый, уот аһылыга сэтиэнэҕинэн бүрүллэн турарый? Кыанар эдэр ыччат бу хайысхаҕа үлэлиэн сөп этэ, холобур, “мыраамар” этинэн эргиниигэ.

Биллэн турар, тыа хаһаайыстыбатын тутулун уларыта тутуу кэмигэр ыарахаттар тахсаллара чуолкай. Холобур, Уйбаан Пономарев эппитинии, былырыыҥҥыттан 23 тыһ. тоннанан аҕыйах үүт туттарыллыбыт. Оннук буолара биллэр этэ. Ону кытта абытай-татакай буолан туруоруллубут сыалтан туорааһын, туора-маары кубулдьутуу сатаммат. Барыта былаан быһыытынан биир күдьүс баран иһиэхтээх. Оччоҕуна эрэ “тыас тахсыаҕа”.

Суолласта, сулласта СУР.

Поделиться
%d такие блоггеры, как: