Yakutians.com

Новости Якутии

Тыын былдьаһыга СЭРИИ: Арассыыйа уонна АХШ глобальнай империализма

Суруйда: СУР

“Сэрии кэмигэр бэйэ дьонун туһунан куһаҕаннык саҥарар сатаммат. Сыыһар да буоллахтарына. Сэрии кэмигэр буруйдаах да курдук буоллаҕына, дойдуҥ туһунан куһаҕаннык саҥарыа суохтааххын”.

По чьи души вернулся Данила Багров - МК

Оттон эйэлээх кэмҥэ төһө баҕарар лообурҕаа – улахан буолбатах. Алексей Балабанов “Брат” уонна “Брат-2” киинэлэрин сүрүн дьоруойдара Данила Багров бу тыллара үйэлэр тухары баар чахчыны кэрэһилииллэр. Оннук этэ, оннук уонна оннук буолуо даҕаны. Атыттартан “өйдөрө хойуу” буолан өстөөх “миэлиҥсэтигэр уу кутааччылар” былыр да, быйыл да таҥнарыахсыттарынан аатыраллара…

“Тыын харыстабылыгар” кыраныысса таһыгар куоппуттары өйдүөххэ сөп. Оттон ол куотан баран дойдуларын утары куолу-хаалы буолааччылары – суох.

АХШ күн өйүнэн сылдьар киһи олус эрэммэт дойдута. Бу Орто дойдуга ядернай буомбаны икки куоракка бырахпыт биир эрэ дойду баарын билэбит – АХШ.

Түргэн глобальнай охсуу (БГУ – Быстрый глобальный удар) диэн байыаннай-стратегическай кэнсиэпсийэлээх биир эрэ дойду баар – АХШ. Биир чаас иһигэр аан дойду ханнык баҕарар туочукатын тыһыынчанан ракетанан куһуйар сыаллаах-соруктаах. “Ядернай сэрээтэ суох ракеталарынан” диэн буолар даҕаны, ол туһунан дьоппуоннарга – Хиросима уонна Нагасаки куораттар олохтоохторугар эттиннэр – ол “мутаннар”, баҕар, итэҕэйиэхтэрэ.

 Тыһыынчанан баллистическай ракеталары сиртэн уонна муораттан (уу аннынан устар лодкалартан), салгынтан (холобур, Boeing X-51 – X-51A Waverider кынаттаах ракеталар), ону кытта космос куйаарыттан ньиргитиэхтээхтэр.

Англосакстар дэлэҕэ “муора цивилизациятын” оҥорбут-туппут дьон аатырыахтара дуо – саамай сүрүн охсууну муоралартан оҥоруохтара диэн ааттыыллар.

Бэйэҕит билэҕит, 1987 с. кылаабынай таҥнарыахсыт Михаил Горбачев уонна АХШ бэрэсидьиэнэ Рональд Рейган Орто ыраах уонна чугас сиргэ тэбэр ракеталары суох оҥорор туһунан дуогабарга илии баттаспыттара (Договор о ликвидации ракет средней и меньшей дальности – ДРСМД). Ол аата, орто ыраахха (1000—5500 км) уонна чугаска  (500 – 1000 км) тэбэр баллистическай уонна кынаттаах ракеталар тиһиктэрин суох оҥорууга.

Возможные цели при ядерном ударе по России — DRIVE2

Дьээбэтэ диэн, “сиргэ базируйданар ракеталары” диэн!

Оттон АХШ ракеталарын үксэ, этиллибитин курдук, муораҕа түһүүлэнэн сылдьаллар – подводнай лодкалартан, байыаннай хараабыллартан уһууран тахсыахтаахтар.

Сэбиэскэй сойуус түһүнэн кэбиспитэ – 1991 от ыйыгар ракеталар 1846 тиһиктэрин суох оҥорбута. Буолаары буолан, бойобуой дьуһуурустубаҕа турар ракеталары эрэ буолбакка, “ыскылаакка” сытааччылары эмиэ. Оттон АХШ тиэтэйбэтэҕэ – ити кэмҥэ 846 тиһиги суох оҥордубут диэн буолбута. Этиллибитин курдук, муораҕа бойобуой дьуһуурустубаҕа сылдьааччылар дуогабарга хабыллыбаттар.

Кэлин, өйдүүргүт буолуо, Илиҥҥи Европаҕа Ракеталартан көмүскэнэр тиһиги тутуу айдаана саҕаламмытын (Размещение американской системы ПРО в Восточной Европе). Владимир Путин ол туһунан маннык диэбитин өйдөөн хаалбыппын: “Биһигини ракеталарынан атаакалаатахтарына, кыайан хардарбаппыт курдук дьаһана сатыыллар. Хардарар ракеталарбытын саба охсо тураары”.

Төһөнөн чугаһыыллар да, халлааны оччонон сабардыыллара өйдөнөр буоллаҕа.

Дьэ, ядернай иитиилээх стратегическай ракеталарынан атаакалыыр кыахтара суох. Тута харда кэлэр. Онон орто ыраахха тэбэр баллистическай ракеталарынан соһутан атаакалыыр курдук Түргэн глобальнай охсуу (БГУ – Быстрый глобальный удар) кэнсиэпсийэни оҥороллор. Бадаҕа, Барак Обама салайарын саҕана.

Арассыыйа кыраныыссатыгар төһөнөн чугаһыыллар да, оччонон алдьатыылаах охсууну оҥороллор. Урал хайаларын ааһа, бэл, Арҕаа Сибииргэ баар стратегическай кииннэри биир чаас иһигэр сууһарар курдук. Ол атаакалара, баҕар, ядернай буолуо, баҕар, ядернай буолбатах буолуо. Ким чопчу этиэҕэй уонна ким ону итэҕэйиэҕэй?

Арассыыйаҕа муҥутуур алдьатыылаахтык үс муораттан ытыалыахтарын сөп – Хара муораттан, Балтийскай муораттан уонна Каспийтан. Балтийскай муораны Арассыыйа Хотугу флота хонтуруоллуур, онон манна “көрүлүүр” кыахтара суох.

Хара муораттан охсорго бэлэмнэниэхтэрин Севастопольга турар Арассыыйа флота мэһэйдиир. Украина “майдаанын” ол иһин тэрийбиттэрэ. Былааһы уларытан баран, Арассыыйа флотун Хара муораттан үүрээри.

Ол эбэтэр, Арассыыйа Крымы көрүлээн буолбакка, тыын былдьаһан ылбыта диэххэ наада.

Аны Сирияҕа киирэбит. Эмиэ көрүлээн буолбатах – Каспийга киирбэттэрин туһугар.

Үгүс аналитиктар этэллэринэн, американецтар Ислам государствотын (Арассыыйаҕа бобуулаах ИГИЛ эбэтэр ДАИШ) Иран судаарыстыбатын сууһараары тэрийбиттэрэ дииллэр.

Какие страны опасны для туристов на Ближнем Востоке. Карта

Ираны ыллылар да, Каспий муоратыгар киирэллэр. Каспийтан орто ыраахха тэбэр ракеталарынан Сибииргэ тиийэ ытыалыахха сөп. Онно эбии, баҕар, космостан куһуйарга, салгынтан дапсыйарга бэлэмнэрэ буолуо. Дьиҥэ, сыаллара олус элбэх буолбатах – стратегическай кииннэри сууһарыы диэн. Стратегическай ракеталар шахталара, оборона собуоттара… Барытын ааҕа билэллэр – Мэҥнээх Горбачев “тарбаҕынан ыйан” биэрбитэ. Ол кэнниттэн Арассыыйаны, этэргэ дылы, “сыгынньах илиилэринэн” ылыахтарын сөп.

Дьэ, ол наадатыгар бастаан Сирияны туоратыахха наада этэ. ИГИЛ Ираҥҥа атаакалаатаҕына Арассыыйа Сирияттан, ол эбэтэр кэннилэриттэн саба түспэтин наадатыгар.

Онон Арассыыйа Сирия судаарыстыбатын эмиэ тыын былдьаһан көмүскэспитин өйдүөххэ наада.

Украинаҕа Аналлаах байыаннай операция туохтан саҕаламмытай? Украина сэриилэрэ Донбаһы уонна Крымы кулун тутар 8 күнүгэр атаакалыыр былааннарын туһунан разведка дакылааттаабытын кэнниттэн. Владимир Путин туох диэтэ этэй? “Охсуһууттан мүччүрүйэр кыах суох буоллаҕына, бастакынан охсуохха наада”.

Кини Аҕа дойду сэриитин бастакы күннэригэр сыһыаннаан маннык диэбиттээх: Сэбиэскэй сойуус сэрии саҕаланар болдьоҕун туох баар кыаҕынан тэйитэ сатаабыта, ол түмүгэр саба түһүү бастакы күннэригэр сүрдээх улахан сүтүктэммитэ.

Кырдьык, фашистыы Германияны кытта эйэлээх дуогабарга эрэнэн, кылаабынайа, “провокацияҕа киирэн биэриэ суохха наада” диэн баара. Ол “үөрэҕи” учуоттаатахха табыллар буоллаҕа. Ол эрэн, бу сырыыга “вежливые люди” бириинсибинэн киирии табыллыбата. Украина салалтата бастаан “кутуйах иинин кэҥэппитин” аанньа, американецтар уонна НАТО кинилэри түргэнник өйдөрүн буллардылар.   

Бу этиллибит мин була сатаан толкуйум буолбатах, Арассыыйатааҕы уонна аан дойдутааҕы сорох ырытааччылар этиилэрин сыымайдаан судургутутуу буолар.

***

Есть ли в России империализм? | Пикабу

“Сайдыылаах” аатырар дойдуларга сыста сатыыр ухханыгар В.И. Ленин “Империализм – капитализм саамай үрдүкү уонна тиһэх түһүмэҕэ” диэн этиитин “эриэн ыт элэгэр” ыыта сатааһын баара. Ол эрэн, “кырдьык үрдүгэр сымыйа ыттыбат” – бэйэҕит көрөҕүт, хапытаал монополияҕа, аҥаардастыы айбардааһыҥҥа тардыһар айылгылааҕын. Ленин хапытаал паразиттыыр айылҕатын, онтон утарсыы тахсарын үүт-үкчү ойуулаан таһаарбыта. Оробуочай хамсааһыннарга уонна национальнай-босхолонор охсуһууга сыһыаннаан.

Ол эбэтэр, күн бүгүн АХШ уонна НАТО дойдуларын хабалаларын утары Арассыыйа национальнай-босхолонор охсуһуута бара турарын курдук өйдүөххэ наада. Онно хайы-сах аан дойду хайа охсубут аҥаара кыттыста – арабтартан саҕалаан, “хаптаҕай сирэйдээх” Азия дойдуларыгар тиийэ. Кинилэр кэккэлэрэ халыҥаатар халыҥаан иһиэҕэ.

Дьэ, АХШ өттүттэн бу “бүтэһик стадияны” уһата сатаан муҥнаныы барар. Былыр былыргыттан “война все спишет” диэн баар. Сүүнэ улахан судаарыстыбаннай иэстэн саҕалаан, туох баар аньыыны-хараны барытын сотуо турдаҕа.

Санаан көрүҥ, Европаҕа сэрии турдаҕына ыраах акыйаан арыытыгар баар АХШ туохха кыһаллыаҕай! Хата, сэрии сэбэ бөҕөтүн атыылыа – дуолларга. Бастакы аан дойду сэриитигэр Европа кыһыл көмүһэ барыта онно “көспүт” буоллаҕына, билигин, баҕар, дуоллар балаһыанньата көнүө, “аан дойду валютата” диэн бочуоттаах аата төннүө.  

Бу иһэ истээх уонна судургута суох сэһэн, ону бу ыстатыйа чэрчитинэн сиһилии илдьиритэр кыаллыбат. Ол эрэн, ону даҕаны сыыйа-баайа быһаарсыахпыт.

Салгыы АХШ Аҕа дойду улуу сэрититин кэнниттэн ханна “дэмэкирээтийэни” олохтообуттарын ааҕыҥ. Балартан ордорон биһиэхэ ымманыйаллара саарбах.

Мировое турне демократии: кого бомбили США

Что будет после Мосула и почему об этом не думают на Западе - РИА Новости,  26.05.2021

Корея и Китай 1950 – 53 (Корейская война)

Гватемала 1954

Индонезия 1958

Куба 1959-61

Гватемала 1960

Конго 1964

Лаос 1964-73

Вьетнам 1961-73

Камбоджа 1969-73

Гватемала 1967-69

Гренада 1983

Ливан 1983, 1984

Ливия 1986

Сальвадор 1980

Никарагуа 1980

Иран 1987

Панама 1989

Ирак 1991 (война в Персидском заливе)

Кувейт 1991

Сомали 1993

Босния 1994, 1995

Судан 1998

Афганистан 1998

Югославия 1999

Йемен 2002

Ирак 1991-2003 (США/ Великобритания на постоянной основе)

Ирак 2003-2015

Афганистан 2001-2015

Пакистан 2007-2015

Сомали 2007-2008, 2011

Йемен 2009, 2011

Ливия 2011, 2015

Сирия 2014-2015

Поделиться
%d такие блоггеры, как: