Yakutians.com

Новости Якутии

Саха учуонайдара – бырдаҕы утары

Саргылаах Сахабыт сирин сайына кэрэттэн кэрэ да буоллар, биир омсолоох – бырдаҕа бэрт! Киһи бырдахтан көмүскэнэр тэрилэ дэйбииртэн саҕалаан, араас эмкэ тиийэ баһаам буоллаҕына, сүөһүгэ-аска хайдах курдук охсуулааҕын, ону ааһан тыын кутталлааҕын бэйэҕит билэҕит. Ордук табаларга.

Таба ханнык баҕарар үөрдэһэр кыыл быһыытынан, өлөр-хаалар куттал тирээтэҕинэ “төгүрүччү күрүө” оҥостор идэлээх. Холобур, бөрөлөр саба түстэхтэринэ. Ортолоругар тугуттарын, тыһы табалары уган баран эргийэ сүүрэллэр. Өскөтүн, кинилэр зубр, бизон, бэл, сылгы курдук модун эбиттэрэ буоллар муостарынан-туйахтарынан көмүскэниэ этилэр. Ону баара, таба биир көмүскэллээх – түргэн атахтаах. Онон тыын быстар куттала тирээтэ диэтэхтэринэ эргийэ сүүрэллэр, бэйэ бэйэлэрин көҕүстэринэн хаххалыыллар. Төһөнөн түргэнник сүүрэллэр да, ардай аһыылаах саба түһэригэр ыарахан диэн буолар.

Бырдах саба түстэҕинэ эмиэ оннук көмүскэнэ сатыыллар. Айылҕа оннук айбыт – төгүрүччү сүүрэр буолуҥ диэн. Инстинкт. Кырдьык даҕаны диэбиттии, иирбиттии эргийэр үөр ортотугар бырдах суох.

Табалар муҥнаахтар “хаан иһэр” сиэхситтэртэн быыһана сатаан, сууллан түһэн өлүөхтэригэр диэри сүүрүөхтэрин сөп…

Салгыы ветеринария билимин доктора Александр Решетников кэпсээнин Алексей Пудов матырыйаалыгар көрүҥ.  

Автор: Алексей Пудов

Поделиться
%d такие блоггеры, как: