Мэҥэ Хаҥалас улууһа Дьокуускай куораты кытта илии баттаста

От ыйын 21 күнүгэр Дьокуускай куоракка «Мэҥэ Хаҥалас улууһа» муниципальнай оройуон баһылыга Николай Старостин уонна Дьокуускай куорат баһылыга Евгений Григорьев 10 хайысхаҕа бииргэ үлэлииргэ сөбүлэһии түһэристилэр.

Сөбүлэһии сүрүн ис хоһооно тыа хаһаайыстыбатын салаатыгар туһаайыллар. Улууспутугар оттооһуҥҥа Дьокуускай куорат көмөлөһүүтэ, тыа хаһаайыстыбатын бородууксуйатын оҥорон таһаарар үлэһиттэр күннэригэр Дьокуускай куорат дьаһалтатын уонна айар кэлэктииптэрэ тахсан кытталларын ситиһии итиэннэ Дьокуускай куорат тэрилтэлэригэр сайаапкаларынан Мэҥэ Хаҥаласка оҥоһуллубут бэйэ бородууксуйатын батарыы, дьаарбаҥканы тэрийии туһунан кэскиллээх соруктар туруорулуннулар.

Бииргэ үлэлэһии үтүө түмүктэри аҕаллын диэн баҕарабыт.

Сигэ: “Эркээйи”

Сиһилии: https://xn--h1abcx8dca.xn--p1ai/article/18129