СР үөрэҕин тэрилтэлэринэн Сунтаар оройуонугар баар туустаах хостор уопуттарын киэҥник туһанарга анал бырайыак оҥорбуттара.
Маныаха “Кэмпэндээйитээҕи туус хампаанньата” тэрилтэтин үлэһиттэрэ Анаабыр улууһугар Сааскылаахха “Тугутчаан”, “Чуораанчык” уонна Үрүҥ Хайаҕа баар “Тугутчаана” оҕо саадтарыгар тууһунан угуттуур хостору оҥордулар. Ураты айылҕалаах хоту дойду оҕолорун тумууттан, сөтөлтөн, күөмэй ыарыыларыттан харыстыырга, уопсай иммунитеты күүһүрдэргэ аналлаахтар. Бу күннэргэ улуус баһылыга Эдуард Платонов уһуйааннарга сылдьан өрөмүөн үлэлэрин көрдө итиэннэ туустаах хостор балаҕан ыйын 1 -гар, Билии күнүгэр арыллалларыттан сэргээбитин биллэрдэ. Маны сэргэ тыынар уорганнар ыарыыларын сэрэтэр хостору оскуолаларга уонна улахан дьоҥҥо киллэрэри толкуйдуубут диэтэ Эдуард Петрович. Киинтэн ыраах сытар хоту улуус сайдыытыгар оҕо, ыччат доруобуйата болҕомтоҕо ылыллара эрэли үөскэтэр.
Ааптар: Гуннара Байгильдина
Похожие новости
Детей без прививок от кори отстранят от занятий в школах Якутска
Госдума: Льготная ипотека для айтишников больше не нужна
Очевидец смертельного ДТП: Машина принадлежит высокопоставленному человеку