Амма ыаллара моонньоҕон, черемуха уонна яблоня олордуохтара

Быйыл Амма улууһугар Дьиэ кэргэн экономикатын сыла биллэриллибитэ. Улуус дьаһалтата онно анаммыт сыллааҕы тэрээһиннэр чэрчилэринэн М.Г. Сафронов аатынан ЯНИИСХ-ны кытта дуогабардаһан, Саха сирин айылҕатыгар анаан оҥоһуллубут моонньоҕону, черемуханы уонна яблоняны ылан, нэһилиэнньэҕэ тарҕатар үлэни тэрийдэ.

Улуус баһылыгын э.т. Иннокентий Климентов иһитиннэрбитинэн, уктары тиэйии-таһыы ороскуотун салалта бэйэтэ уйунар. “Суол арылынна да уктары аҕалыахпыт уонна нэһилиэктэргэ тириэрдиэхпит. Билигин тыа хаһаайыстыбатын управлениетынан сайаапкалары хомуйабыт. Нэһилиэнньэ интэриэстээх, үүннэрэргэ баҕалаах. Яблоня, акация бүттэ”, – диэн иһитиннэрдэ кини.

Барыта тиэллэн тиийиэхтээх:

📌4 суорт 800 моонньоҕон уга

📌Черемуха 35 ук

📌Яблоня 40 ук

📌Акация 5 ук

Амма сирэ быйаҥнаах. Онон ыаллар бэйэлэрин тиэргэннэригэр битэмииннээх отоннору үүннэрэн, күннээҕи астарыгар туттуохтара, атыылаан дохуот да киллэриниэхтэрин сөп.

📌Тыа сиригэр дьон олоҕун хаачыстыбатын тупсарыыга салалта тэрээһинэ атыттарга холобур буолуон сөп.

Источник: @polina_fermer