Учуонайдар саха сүөһүтүн удьуорун сайыннарыы тула

2021 сыл олунньу 26 күнүгэр М.Г. Сафронов аатынан Саха сиринээҕи тыа хаһаайыстыбатын билим-чинчийэр институтугар “Саха сүөһүтэ” генофонднай хааһына тэрилтэтин бэрэстэбиитэллэрин кытта мунньах буолан ааспыта. Кэпсэтии саха сүөһүтүн көрүү-харайыы 2021 сыллааҕы бырагыраамматын билим өттүнэн хааччыйыы боппуруостарыгар туһуланар.

Саха сүөһүтүн хаһаайыстыбаннай уонна төрүт култуураҕа сыһыаннаах суолтата улам үрдээн иһэр чинчилээх. Физиолог-учуонайдар, зоотехниктар чинчийиилэрэ дириҥээн истэҕин аайы өбүгэлэрбит бэлэх хаалларбыт сүөһүлэрин саҥаттан саҥа өрүттэрэ арыллан иһэригэр эрэл баар.  

Ол курдук, сүөһү удьуорун тупсарыы үлэтэ аан дойду үрдүнэн ылыллыбыт иродэбиллэргэ сөп түбэһэрин туһугар аныгы молекулярнай-генетическай ньымаларынан чинчийии барыахтаах. Ону кытта эмбрионы уонна сиэмэни тоҥорон харайыы технологияларын баһылааһын сүөһүбүт сүтэн-иҥэн хаалбатын мэктиэлиэхтээх.

Дьэ, мунньахха итини таһынан туох боппуруостар дьүүллэһиллибиттэрин видеодайджест быһыытынан оҥоһуллубут матырыйаалга көрүҥ.

Автор Алексей Пудов

Источник: gronii.ysn.ru