Тамалакааҥҥа сүөһү төбөтө эбиллэр

Саха сирин үрдүнэн сүөһү ахсаана аҕыйыы турар кэмигэр Үөһээ Бүлүү улууһун Тамалакаан нэһилиэгэр саха омук төрүт дьарыга сайдар суолун торумнууллар эбит. Ол курдук, нэһилиэк 2020 сылга ситиһиилэрин кытта билсиҥ.

Тыа хаһаайыстыбата
Сүөһү ахсаана – 340 төбө (135 ыанар ынах) (2019 с. – 324 төбө (117 ыанар ынах)). Элбээһин – 16 төбөнөн (18 ыанар ынах).
Сылгы ахсаана – 406 (218 биэ) төбө (2019 с. – 369 төбө (200 биэ)). Элбээһин – 37 төбөнөн (18 биэ).
Үүт былаана – 107,5 т (2019 с. – 82,5 т). Туолуута – 96,89 т (90,13 %). КФХ – 62,6 т, ЛПХ 34,29 т үүтү туттардылар. Уопсайа, 90 ыанар ынах үүтэ туттарылынна. Нэһилиэккэ 7 КФХ баарыттан 1-рэ сылгынан.
Үүт туттарыытыттан нэһилиэккэ киирбит дохуот – 4 мөл. 70 тыһ. 352 солк. Итинтэн КФХ-лар дохуоттара – 2 мөл. 934 тыһ. 147 солк.
От былаана – 1204 т. Туолуута – 1346 т (111 %). КФХ – 651 т, ЛПХ – 695 т. 778 га сир оттонно.
Сөргүтүллүбүт бааһыналартан 150 т эбиэс, 120 т суданка от ылылынна.
КФХ Третьяков В.Е. урукку комплекс хотонугар элэктэриичэстибэ уота үйэ чиэппэрэ буолан баран сандаарда, хотону улаатыннарыыга ремонт үлэтэ барда. 82 сүөһү кыстаан турар.
Арыылаах хоруутун быһа туорааһыҥҥа – буровой массыынанан үүттэтэн атахтар түһэннэр, субуотунньук маһыгар МТЗ-82 тыраахтардаах дьон 4-түү мас эбэннэр (Егоров В.А., Егоров А.А., Барчахов С.И., Третьяков В.Е., Иванов С.М.), нэһилиэк көхтөөх эр дьонун субуотунньугунан (Трофимов А.И., Федоров С.П., Егоров М.Р., Руфов А.В., Максимов П.Н., Ботуев В.М., Кокоринов М.М., Готовцев П.Д. уо.д.а.) – саҥа күргэ тутулунна.
Мэччирэҥ, ходуһа сирдэрин эбии таһаараары Андылаах, Тыымпы эбэлэр ууларын Күргэлээх үрэҕэр түһэрдибит. Эбэлэр үрдүктэрин-намыһахтарын таһымын эрдэттэн, нивелирынан ыттаран, бырайыагын оҥотторбуппут. 1 км просека кэрдиитигэр Третьяков Василий биригээдэтэ үлэлээтэ.
Оскуола эргэ ампаара Хомуку аартыгын өтөҕөр субуотунньугунан көстө.
Нэһилиэктэргэ үлэлиир УСХ үлэһиттэриттэн 2020 сылга “Бастыҥ исписэлиис” аатын Готовцев П.Д. ылла.

Сигэ: Үөһээ Бүлүү улууһун дьаһалтатын саайта