Yakutians.com

Новости Якутии

Сэриигэ аттаммыттар аартыктара

Үөһээ Бүлүү улууһун Үөдүгэй нэһилиэгин биир ытык-мааны кырдьаҕаһа, үлэ бэтэрээнэ, “СӨ бочуоттаах бэтэрээнэ” бэлиэ хаһаайката, Үөдүгэй нэһилиэгин бочуоттаах олохтооҕо Мария Гаврильевна Потапова улууспут историятын биир бэлиэ түгэнин ыччат дьонугар билиһиннэрдэ.

Бэҕэһээ Үөдүгэй нэһилиэгин биир ытык-мааны кырдьаҕаһа, үлэ бэтэрээнэ,

Мария Гаврильевна Чүүттэн, Кудуттан, Куунуттан, Өргүөттэн, Быракаантан, Туобуйаттан эдэркээн ыччаттарбыт мустан, хомуллан уодаһыннаах, уоттаах сэриигэ бары айаннаабыт, арахпыт аартыктарын көрдөрдө. Бу сири арыылаах алаадьынан, быырпаҕынан аһатта.
⠀⠀Ол кэмтэн аҕыс уон сыл хаара-самыыра түһэн, айылҕа барахсан уларыйан, ол суол оһон, омооно да хаалбатах. Ол эрэн, Чүүттэн тахсыыга бу сырдык, эйэлээх, күннээх олоҕу аҕалсыбыт, олохторун толук уурбут биир дойдулаахтарбыт сэриигэ туруммут аартыктарыгар анал бэлиэ туруоруохха диэн Үөдүгэй нэһилиэгин Бочуоттаах олохтооҕо Мария  Гаврильевна этиитэ тоҕоостоох.

Фото страницы


⠀⠀Чүүттэн тахсыыга хас да суол арахсар. Сэриигэ аттаммыт буойуттарбыт Чүүттэн тахсыбыт аартыктарыгар, муннуктуу сытар ырааһыйаҕа титириктэр үүммүттэр… Бу миэстэҕэ нэһилиэктэр баһылыктара сүбэлэһэн, сэриигэ сылдьыбыт, сырдык тыыннарын толук уурбут, Ийэ дойдуларын иһин сэрии толоонугар охтубут биир дойдулаахтарбытын кэриэстиир анал бэлиэ туруоруохха сөп эбит диэн Мария Потапова нэһилиэк олохтоохторугар баҕа санаатын тириэрдэр.Кини 1951 сыллаахха Чүүттэн “Мааркыс” колхозка ийэтинээн көһөн киирбиттэр. 1952 сыллаахха Кудуга ньулубуой кылааска үөрэнэ киирбит. Төрөөбүт дойдутун историятын кэлэр кэнчээри ыччакка билиһиннэрэр, үйэтитэр сэрии кэмин оҕотугар Мария Гаврильевнаҕа үтүө  санаатыгар махтал буоллун!

Суруйда: Валентина Филиппова.

Сигэ: https://mr-verhneviljujskij.sakha.gov.ru/

Поделиться
%d такие блоггеры, как: