Маастардар сэлэлии хаамаллар

2012 сыллаахха Е. А. Борисов анал ыйааҕынан кулун тутар 5 күнэ “Норуот маастарын” күнүнэн бигэргэтиллибитэ.

Инники сылларга Дьокуускай куоракка түмсэн сэлэлии хаамыыга кыттыыны ылааччыбыт. Быйылгы сэлэлии хаамыы хаҥсык ыарыы туран нэһилиэктэринэн тэриллэн, видеоҕа уһуллан куйаар ситимин нөҥүө бииргэ хомулунна. 

Бастакытын ыытыллыбыт сахалыы таҥастаах “Норуот маастарын” күнүгэр аналлаах сэлэлии хаамыыга Сангаар бөһүөлэгэр отут буолан мустан “Шахтер” сынньалаҥ кииниттэн Ленин болуоссатыгар хаамтыбыт. Ыҥырыыбытын ылынан кэлэн сэлэлии хаамыыга кыттыспыт Кальвица бөһүөлэгин ытык кырдьаҕастарыгар Архипова Мария Николаевнаҕа, Левина Мария Касьяновнаҕа уонна “Алгыс” сынньалаҥ киинин үлэһиттэригэр дириҥ махталбытын тиэрдэбит. 

Кэбээйи нэһилиэгэр сэлэлии хаамыыга отут икки киһи кыттыыны ылла. Сэлэлии хаамыыны салайда СӨ норуот маастара Елизавета Константиновна Софронеева, Сайылык сэлиэнньэтин колоннатын салайан ыытта “Дайан” сынньалаҥ киин үлэһитэ Вера Николаевна Прокопьева. 

Түгэнинэн туһанан бары кыттыспыт дьоммутугар, сахалыы ииһи-ууһу сэҥээрээччилэрбитигэр махталбытын тиэрдэбит. Инникитин даҕаны сахалыы санаабыт саппаҕырбатын, саха сиэрэ-туома, ииһэ-күүһэ, таҥаһа-саба сайда турдун, көлүөнэттэн-көлүөнэҕэ бэриллэн истин!