Кэнтиккэ дьоллоох түгэн тосхойдо

Элбэх хайысхалаах киини кытта сэргэ саҥа спорт саалата үөрүүлээх быһыыга-майгыга үлэҕэ киирдэ.
⠀⠀Республика үрдүнэн биллэриллибит Доруобуйа сылын  чэрчитинэн бу спорт саалатын арыллыыта тоҕоостоох буолла диэн Ил Дархан Айсен Николаев бэлиэтээтэ. Кэнтик нэһилиэгэ республикаҕа
чэбдигиирини өрө туппут нэһилиэктэр аахсаннарыгар киирэр диэн эппитин олохтоохтор уруйдуу-айхаллыы иһиттилэр.
Ил Дархан олохтоохторго спордунан дьарыктаныҥ,
хамсыктан харыстаныҥ, доруобай буолуҥ диэн баҕа санаатын этэн туран,
саҥа тэриллибит спорт саалаҕа спортивнай инвентарь ылыныыга сертификаты үөрүүлээх быһыыга-майгыга туттарда.
⠀⠀Улуус баһылыга Владимир Поскачин киэҥ, үрдүк, сырдык спорт саала уораҕайын биһирээн, Кэнтиктэр бэйэлэрин уоллара, подрядчик Ньургун Саввин олус үчүгэйдик туппут диэн хайҕаан туран, Кэнтиктэн инникитин
элбэх  спортсмен үүнэн тахсыа диэн бэйэтин эрэл санаатын бар дьоҥҥо тиэртэ.
Улуус олохтоохторо бары, Кэнтик кэнчээри ыччата Саха сиригэр спорт сайдыытыгар бэйэлэрин кылааттарын киллэриэхтэрэ диэн эрэнэбит! Чөл олоҕу, бигэ туругу баҕарабыт!