2014 сыл муус устар 7 күнүгэр РФ Президенэ Владимир Путин биһиги республикабытыгар ураты улахан суолталаах “Саха АССР тэриллибитэ 100 сылын бэлиэтээһин туһунан” уураахха илии баттаабыта.
Ил Дархан Айсен Николаев 2019 с. сэтинньи 29 күнүн дьаһалынан республикатааҕы тэрийэр комиссия тэриллибитэ. Комиссия председателэ- Айсен Сергеевич Николаев.
Саха автономиятын төрүттэммитэ 100 сылыгар ыытыллыахтаах үлэ былаанын чэрчитинэн научнай – документальнай, автономияны олохтоспут саха чулуу уолаттарын тустарынан киинэлэр устуулара былааннанар.
Ол былаан быһыытынан биһиги киэҥ туттар биир дойдулаахпыт, Саха автономиятын төрүттэспит, уһулуччулаах государственнай уонна политическай деятель Максим Кирович Аммосов 125 сылын көрсө норуот туһугар анаабыт олоҕун, үлэтин туһунан быһа холоон биир чаас уһуннаах документальнай, уус-уран хайысхалаах киинэ уһуллуо.
Киинэ уһуллуутун туһунан бастакы сүбэ мунньах 2021 сыл кулун тутар ыйга «Сахафильм» компания директора Дмитрий Шадрин уонна сүрүн режиссер Алексей Романов кыттыылаах буолбута. Мунньаҕы улуус баһылыгын социальнай боппуруостарга солбуйааччы Мария Игнатьева салайан ыыппыта.
Кэпсэтии түмүгүнэн, «Сахафильм» компания киинэ сценарийын суруйан улуус дьаһалтата уонна анал комиссия бигэргэтиитигэр биэрэрэ чопчуламмыта. Быйыл муус устар ыйга киинэ сценарийа бигэргэннэ. Киинэ устуутугар бииргэ үлэлииргэ Сөбүлэһиигэ бу күннэргэ илии баттанныа. Билигин киинэни устар бөлөх оруолларга артыыстары көрдүүр, кастинг ыытар.
История чахчыларыгар олоҕурбут «Чаҕылҕай Максим» документальнай, уус-уран хайысхалаах киинэ Россия киин уонна Саха сирин каналларыгар көстүөҕэ.
Киинэ уһуллуутун үбүлээһинин республика уонна улуус бюджета уйунуо.
“Нам улууһа» МТ пресс-сулууспата
Сигэ: https://mr-namskij.sakha.gov.ru/
Похожие новости
Времени на навигацию на реках Ленского бассейна осталось всего ничего
Чистка элит состоялась. Тихо, спокойно – как и обещал Михаил Хазин
Питейным заведениям Строительного округа предложено сократить режим работы