Yakutians.com

Новости Якутии

Ийэлэргэ истиҥ-иһирэх эҕэрдэ!

Быйыл Үөһээ Бүлүү улууһуттан 7 Ийэ “Материнская слава” II, III -с степеннээх бэлиэтин ыларга Саха Өрөспүүбүлүкэтин үлэ уонна социальнай сайдыы Министерствотын хамыыһыйатын ааспыттара.

Олортон 4 Ийэ (Константинова Антонина Васильевна – 7 оҕолоох (Кэнтик), Иванова Степанида Васильевна – 7 оҕолоох (Хоро), Михайлова Любовь Анатольевна – 7 о5олоох (Далыр), Обоева Татьяна Васильевна – 8 оҕолоох (Нам) Дьокуускай куоракка баран Ил Дархан Айсен Сергеевич Николаев илиититтэн ылбыттара.
⠀⠀ Бүгүн кэккэ биричиинэлэринэн кыайан  Дьокуускай куоракка барбатах Ийэлэргэ улууспут Аҕа баһылыга Владимир Поскачин үөрүүлээх быһыыга-майгыга туттарда💐💐💐👏🏻👏🏻👏🏻Ол курдук бу үрдүкү наҕараадаҕа тигистилэр: Васильева Анна Семеновна – 7оҕолоох Ийэ (Далыр), Казакова Мария Николаевна – 7 оҕолоох Ийэ (Үөһээ Бүлүү).
⠀⠀Үһүс Ийэ, Павлова Мария Петровна, бу кэлиэхтээх күнүн иннинэ роддомца киирэн, кыайан кэлбэтэ, этэҥҥэ буоллаҕына, 8 оҕото  күн сирин көрүө.
⠀⠀ Наҕараадаҕа тиксибит 7о5олоох Ийэлэргэ – 100тыһ.солк., 8 оҕолоох Ийэлэргэ – 200тыһ.солк. счеттарыгар кэлэн түспүтэ.
⠀⠀Күн-күбэй ийэлэргэ истиҥ-иһирэх эҕэрдэ! Оҕолоргут доруобай буоллуннар, ситиһиилэринэн үөрдэ-турдуннар!

Суруйда: Сардаана Романова

Сигэ: https://mr-verhneviljujskij.sakha.gov.ru/

Поделиться