Yakutians.com

Новости Якутии

Баай Барыылаах Байанай тиэмэтин интириэһиргиибин

 Илиитигэр талааннаах, айар куттаах Аксинья Сивцева хоту дойду тыынын биэрэр, эбэҥки, долган норуоттарын духуобунай култууратын кэпсиир хартыыналара, уран иистэрэ ураты дьикти кистэлэҥнээх курдуктар…

Это изображение имеет пустой атрибут alt; его имя файла - WhatsApp%20Image%202023-03-29%20at%2010_54_36.jpeg

Соторутааҕыта Дьокуускайтан «Муус устар» фестивальга эдэр педагогтарга аналлаах  “Педагог будущего поколения Якутии” хайысхаҕа ситиһиилээхтик кыттыбыта. Маны сэргэ «Мир Арктики» V региональнай быыстапкаҕа ойуулуур-дьүһүннүүр искусство көрүҥэр анал номинацияҕа 1 миэстэни  ылан кыайыы кынаттанна! Кэскиллээх кыыспыт Анаабыр улууһун Оҕону эбии үөрэхтээһин киинин уһуйааччыта, омугунан долганка. Аксиньяны  истиҥник эҕэрдэлээтибит, Дьокуускайтан бүччүм санаатын телефонунан үллэһиннэ: 

    – Эҕэрдэҕитигэр махтанабын. Быыстапка-дьаарбаҥкаҕа 13 хоту улуустартан, Красноярскай, Ханты-Мансийскай уокуруктан о.д.а аҕыйах ахсааннаах омуктар олорор сирдэриттэн тиийэ кэлитэлээбиттэр. Хартыыналарбын акриль кыраасканан суруйабын. Интириэһиргиир тиэмэбинэн Баай Барыылаах Байанай умсугутуулаах эйгэтэ, төрүттэрим дулгааннар олорбут устуоруйалара, былыргы уонна билиҥҥи олохторо-дьаһахтара. Бу былырыыҥҥы, быйылгы айымньыларым  буолаллар. Балар барыта “Анаабыр кыыллара-сүөллэрэ” диэн серияҕа киирэллэр, билигин даҕаны салгыытын оҥоро сылдьабын. Бу күннэргэ куоратка “Сердце отдаю детям” диэн республикабыт оҕону эбии үөрэхтээһин кииннэрин уһуйааччыларыгар күрэхтэр саҕаланаары тураллар. Манна эмиэ кыттаары бэлэмнэнэ сылдьабын. Бу сылдьан санаатым, Анаабырга биһиги наһаа оҕуруонан тиһэргэ, тас көстүүгэ эрэ охтубут курдукпут. Дьиҥэр, таба тириититтэн хопоолору, ынтыкааны, кээнчэни,  сарыы соннору иистэниэххэ баар этэ. Муус устар ыйга Москваҕа “Сокровище Севера” диэн улахан быыстапка-дьаарбаҥкаҕа кытта бараары бэлэмнэнэбин. Эдэр ыччаттарбыт олоххо-үлэҕэ көхтөөх буолуохтарын баҕарабын. Тапталлаах Анаабырбыт үтүө аатын ааттатарга дьулуһабын. 
                                                                                           

 Гуннара Байгильдина

Поделиться
%d такие блоггеры, как: