Владимир Путин 2024 сылга диэри дойдубут инники сайдыытын тосхоллоругар киллэрбит национальнай бырайыактарыттан биирдэстэринэн «Олорор дьиэ уонна куорат эйгэтэ» бырайыак буолар. Ол туһаайыытынан Арассыыйаҕа хаарбах дьиэттэн көһөрүү бырагырааматынан дойду бары эрэгийиэннэригэр, ол иһигэр Сахабыт сиригэр былааннаах үлэ киэҥник ыытыллар.
Биһиги улууспутугар кэккэ сылларга үгүс ыал хаарбах дьиэлэртэн толору хааччыллыылаах саҥа дьиэлэргэ көһөн үөрүүлэрэ муҥура суох. Кэскиллээх дьыала салҕанан барара олус кэрэхсэбиллээх.
Муус устар 27 күнүгэр улууспутугар биир умнуллубат кэрэ-бэлиэ түгэн тосхойдо. Өрөспүүбүлүкэбит күнүгэр сөп түбэһиннэрэн, улууспут административнай киинигэр ‒ Аллараа Бэстээх бөһүөлэгэр Кооперативнай уулусса 12/1 №-дээх дьиэтигэр 57 ыалга саҥа дьиэҕэ кыбартыыраларын күлүүстэрин туттардылар.
Элбэх кыбартыыралаах биэс этээстээх таас олорор дьиэ «2019 ‒ 2025 сс. хаарбах дьиэттэн гражданнары көһөрүү» СӨ судаарыстыбаннай бырагырааматынан үлэҕэ киллэрилиннэ. Тутууну бэдэрээтчит «Нордсервисстрой» ХЭО ыытта.
Үөрүүлээх тэрээһиҥҥэ улууспут баһылыга Николай Старостин, «Аллараа Бэстээх бөһүөлэгэ» МТ баһылыга Юрий Колмаков саҥа дьиэҕэ көһөр дьону истиҥник эҕэрдэлээтилэр уонна хас биирдии ыал доруобай, дьолоох буоларыгар баҕа санааларын тиэртилэр. Саҥа кыбартыыраларга күлүүс туппут дьон ортолоругар бөһүөлэк кырдьаҕас олохтоохторо Лариса Лялина, Татьяна Петрулевич, Вера Малеева, оскуола дириэктэрэ Максим Бурнашев, учуутал Виктория Яковлева о.д.а. бааллар.
Сигэ: https://mr-megino-kangalasskij.sakha.gov.ru/
Похожие новости
Эксперт: Запад будет «тормозить» следствие по заложенной в ливанские пейджеры взрывчатке
Ньурба тыйаатырын дириэктэринэн үлэлээбит Александр Алексеевич Габышев төрөөбүтэ 100 сылыгар
«Они психологически привязаны к США» Почему отношения России и Евросоюза потерпели крах и можно ли выстроить их заново?